Uljhan
Wo Aik Socha Hua Naaz Sa Takallum Main
Nazar Main Aik Jhijhak Se Koi Banai Hui
Labon Pe Aik Tabassum Zra Lahjaya Sa
Jabeen Pe Bazam-e-Marwat Saji Sajai Hui
Dhaka Dhaka Sa Takabbar Wo Baat Sunne Main
Thi Jis Main Husn Ki Nazish
Kahin Chupai Hui
Badan Main Khof Ki Larzish Bhi Aur Daawat Bhi
Garaiz Karti Hui Aur Qareeb Aai Hui
Kuch Us Ko Dekh K Khilta Na Tha K Kia Hai
Faraib Deti Hui Ya Faraib Khai Hui
Amjad Islam Amjad
Click on pic for full view
Humari Dastan Bhi
Ajeeb Dastan Hai
Tamaam Ho Gai Magar
Jo Sab Se Eham Baab Tha
Wo Baab Kho Gia Kahin
Hawa Na Jane Kis Tarha
Urra K Le Gai Usey
Koi Warq Idhar Gia
Koi Warq Udhar Gia
Unhi Ki Justaju Main Ab
Bhatak Rahi Hai Zindagi
Yahan Wahan, Idhar Udhar
Shabnam Iqbal
Click on pic for full view
Sab Kuch Adhoora Hai
Kaie Jazbey
Kisi Paikar Main Dhalne Ko Tarapte Hain
Kaie Aansu
Sarmasargaan Ubharne Ko Machalte Hain
Kaie Mousam
Udasi K Samundar Main Dharakte Hain
Kaie Jugnu
Sitaron Ki Tarha Khilne Ko Marte Hain
Kaie Waadey
Abi Aankhon Main Jalte Hain
Kabi Fursat Mile To Lout Aao
Tumhare Bin Yahan Sab Kuch Adhoora Hai
Click on pic for full view
Hijer Ka Mousam
Hijer Ka Mousam
Guzare Nahi Guzarta
Tum Aao To
Is Jaan Leva
Hijer K Hathon Se
Meri Jaan Bachey
Meri Saans Chale
Waseem Abbas
Click on pic for full view
Jab Wo Mera Naam
Apne Hathon Ki Lakeeron Main
Talash Kar K Thak Gai
To Dheerey Se Sar Jhukaya
Aur Muskura K Kaha
Lakeeren Jhoot Bolti Hain
Click on pic for full view
Tehwar-e-Eid
Na Main Ne Chand Ko Dekha
Aur Na Koi Tehniyat Ka Phool Khirki Se Uthaya
Mera Malboos Ab Bhi Malgja Hai
Hina Se Hath Khali Aur Choori Se Khali
Na Mere Paas They Tum Aur
Na Mere Shehar Se Guzre
Main Kia Afshan Lagati
Maang Main Sindoor Bharti
Rang Aur Khushbu Pehanti
Chand Ki Janib Nazar Karti
K Meri Lazzat-e-Deedar Tum Ho
Mera Tehwar To Tum Ho
Parveen Shakir
Click on pic for full view
Suno! Ay Mom Ki Gurya
Suno! Ay Mom Ki Gurya
Ab Is Dour K Andar
Koi Majnu Nahi Banta Koi Ranjha Nahi Hota
Qadam Do Chaar Chalne Se
Safar Saanjha Nahi hota
To In Bekaar Sochon Pe
Suno! Rone Ka Dar Kaisa
Jise Paya Nahi Tum Ne
Usey Khone Ka Dar Kaisa
Click on pic for full view
Main Bohat Thak Gai Thi
Tumhari Be-Aitnai Bari Jaan Leva Thi
Jabhi
Ik Shajar Apna Saya Liye Meri Aur Aaya
To Main Ne
Umer Bhar K Liye
Us Ki Chaon Orrh Lene Ka Faisla Kar Liya
Teri Yadon Se Khud Ko Reha Kar Liya
Suno Ho Sake To
Khud Ko Meri Jaga Rakh K Sochna
Aur Dil Ki Chubhan
Meri Uljhan
Safar Ki Thakan Samne Rakh K
Mujhe Maaf Kar Dena
Rabia Basri
Click on pic for full view
Main Tere Sang Sada Hon
Jahan Ho Tu Janaa
Shab-e-Siyah Main Taron Ki Rida Ki Soorat
Zair-e-Lab Pinha Kisi Hurf-e-Dua Ki Soorat
Bahaar-e-Subha Main Baad-e-Saba Ki Soorat
Tere Wajood Main Gardish-e-Lahu Ban Kar
Falak Pe Rang-e-Dhanak Aur Gul Main Boo Ban Kar
Dil-e-Hazeen Main Betab Aarzu Ban Kar
Main Tere Sang Sada Hon
Jahan Ho Tu Janaa
Daaman-e-Abar Se Barish Ho Kabi Yadon Ki
Bhigoye Oss Jo Siskarte Se Khawabon Ki
Sahi Na Jaye Saza Hijer K Ataabon Ki
Akaile Pan Ki Udasi Mehsoor Karne Lage
Gham-e-Firaq Rag-o-Jaan Main Gr Utarne Lage
Sada Dena Mujhe Jab Bhi Tu Bikharne Lage
Main Tere Sang Sada Hon
Jahan Ho Tu Janaa...
Nusrat Naseem
Click on pic for full view
Kabi Lafz Bhool Jaon Kabi Baat Bhool Jaon,
Tujhe Is Qadar Chahon Apni Zaat Bhool Jaon,
Uth Kar Kabi Jo Tere Paas Se Chal Don,
Jate Huey Khud Ko Tere Paas Bhool Jaon.
Click on pic for full view
Ajnabi Sham Aankhon K Raste Main Thehri Hui Hai
Khmoshi K Jaisi Hawa Narm Ro Hai
Hawa Ki Nashebi Guzargah Per
Apne Saye Samete Huey
Sab Shajar Sadhuon Ki Tarha Chup Khare Hain
Kisi Dehaan Main Gum...Kisi Jaap K Sehar Main
Baad-e-Sar Sabz Ka
Koi Chanchal Sa Jhonka Jo Guzre
To Sab Chonk Uthte Hain
Pat Jharr Se Surkhaye Kuch Paat Jharte Hain
Aur Door Tak Raston Per Bikhar Jate Hain
Bareek Boondon Ki Rim Jhim Se Halki Hawa Main Nami Hai
Fiza Surmai
Aur Mere Dil Main Ik Aashna Ki Kami Hai
Samina Raja
Click on pic for full view
Chahta Tha Me Toot Kar Us Ko
Wo Bhi Mujh Per Fareefta Tha Bohat
Hum They Aik Jaan Aur Do Qalib
Wisal Hota Tha Jab Naseeb Humen
Dono Ik Doosre Se Kehte They
Hijer Hum Ko Na Raas Aaye Ga
Hum Jo Bichre To Bas Yehi Ho Ga
Saans Ki Dor Toot Jaye Gi
Mout Hum Ko Gale Lagaye Gi
Aur Phir Ye Hua K Qismat Ne
Doosre Ka Bana Diya Us Ko
Gham To Mujh Ko Bohat Hua Lekin
Toot Pai Na Saans Ki Dori
Aur Phir Aik Din Ba Majboori
Main Bhi Tajdeed-e-Ishq Kar Betha
Ehd-o-Pemaan Kiye They Jo Hum Ne
Ab Kahan Un Ki Yaad Taza Hai
Jaan Se Guzra Na Ishq Main Koi
Main Bhi Zinda Hon Wo Bhi Zinda Hai
Click on pic for full view
Hum To Bas Khawab Hain
Kuch Pal K Liye Dekho Humen
Phir Kisi Aankh Kisi Neend
Main Aane K Nahi
Phir Kisi Rah Kisi Mor Per
Hum Hon Gey Nahi
Hum To Bas Gard Hain
Kuch Dair Main Mit Jaen Gey
Hum To Khushbu Hain
Humen Rang Na Koi Dena
Sirf Ehsas Ko Choo Kar Hai Guzar Jana Humen
Hum To Aansu Hain Bahen Gey
To Na Loten Gey Kabi
Hum To Bas Zakham Hain
Seeney Ka.....Humen Bharna Hai
Hum Wo Ehsas Ki Bailen Hain Jo Chaon Chahen
Door Ki Dhoop Jo Choo Le To Humen Marna Hai
Hum To Bas Khawab Hain Kuch Pal Main Bikharne Wale...!!
Click on pic for full view
Shikayat
Mujhe Tum Se Shikayat Hai
K Tum Ne Umer Bhar Mujh Ko
Khabar Ye Bhi Na Hone Di
Tumhain Mujh Se Mohabbat Thi
Seema Ghazal
Click on pic for full view
Teri Yaden
Zaat Ki Chatano Per
Jism-o-Jaan K Sahil Per
Aik Ajab Talatum Hai
Aankhon Ki Nami Dil Se
Moj Ban Kar Milti Hai
Hum To Bas Akaile Hain
Jane Kyon Teri Yaden
Foj Ban Kar Milti Hain
Click on pic for full view
Ye Khoobru Log Jin Ki Aankhen
Tumhare Ujley Badan Per Chispaan
Tumhare Naqsh-e-Qadam Ki Khushbu Main
Sabt Aise
Bhanwar Main Jaise Hina K Pattey
Main Sochta Hon
K Itni Aankhon K Dairon Main
Meri Akaili
Udas Aankhon Ki
Hesiyat Kia Hai
Meri Wafa Ka Muqaam Kia Hai
Meri Mohabbat Ka Naam Kia Hai
Mohsin Naqvi
Click on pic for full view
Is Eid Per
Wo Mere Sath Nahi
Magar Wo, Us Ki Yaden, Us Ki Baten
Sab Mujhe Yaad Hain
Us Ne Bhi Mujhe Yaad Kiya Ho Ga
Phir Mere Khayalon Main Khoye Huey
Tasawwur K Kisi Lamhe Main
Dheere Se Kaha Ho Ga
Eid Mubarak
Click on pic for full view
Tumhain Jane Ki Jaldi Hai
Wgarna
Judai Ki Sabhi Rasmain
Chalo Hum Bhi Nibha Lete
Wo Sari Ankahi Baten
K Jin Ka Bojh Hai Dil Per
Wo Sab Tum Ko Suna Dete
Tumhain Ye Bhi Bata Dete
K Tum Bhi Zindagi Apni
Faqat Ik Istara Hai
Magar Ab Sochte Hain Hum
Tumhain Jane Ki Jaldi Hai
To Phir Yon Hi Sahi Lekin
Kabi Ye Sochna Bhi Mat
Tumhain Wapis Bulaen Gey
Ye Tum Bhi Jante Ho Gey
K Wapis Aane Walon Main
Wo Apna Pan Nahi Rehta
Wo Chalna Sath Chahen To
Kabi Manzil Nahi Milti
Kabi Rasta Nahi Milta
To Bas Tum Ko Batana Hai
Nibhana Apni Baton Ka Bharam
Hum Ko Bhi Aata Hai
Ye Maana Bin Tumhare
Saans Ka Aana Bhi Mushkil Hai
Magar Tum Dekhna Janaa
Tumhain Jee Kar Dikhaen Gey
K Jeena Sab Ko Aata Hai
Fakhra Gul
Click on pic for full view
Khawab Aur Khushbu
Dono Hi Azad Ro Hain
Dono Qaid Nahi Ho Sakte
Mere Khawab
Tumhari Khushbu...!!
Click on pic for full view
Koi Kab Bhool Sakta Hai
Kabi Zeest Main Saare Warq
Purzon Ki Soorat Ho Chuke Phir Bhi
Wo Pehla Rang Jo Aankhon Main Jaga Tha
Wo Pehla Naam Jo Acha Mere Honton Ko Laga Tha
Wo Gaon Ki Kachi Si Pagdandi
Wo Pehli Rut Ki Mohabbat
Wo Ik Anjan Sa Sandesa Teri Shokh Aankhon Ka
Haya Se Wo Mera Palken Jhuka Dena
Wo Na Karte Huey Masoom Sa Iqrar Kar Dena
Wo Haan Kehte Huey Besakhta Inkar Kar Dena
Mohabbat K Ye Saare Rang
Koi Kab Bhool Sakta Hai
Fakhira Batool
