Click on pic for full view
Hanste Lab Aur Roti Aankhen
Kaise Apna Dard Chupaen
Bol, Bata
Is Dunia K Rangeen Mailey Se
Jane Wale
Tujh Ko Kitna Yaad Karen Ab
Tere Bina Qarya Jaan Apna
Kyon Kar Hum Aabaad Karen Ab
Andar Teri Yaad Ka Barzakh
Aur Bahir Ye Dunia-dari
Jaan Aur Tann Ko Tu Hi Bata Ja
Is Do-rangi Sham-o-Sehar Se
Kab, Kaise Aazaad Karen Hum
Hans Kar Teri Yaad Manaen
Ya Ro Kar Faryad Karen Hum
Hanste Lab Aur Roti Aankhon Se
Pooch Rahe Hain
Dunia Wale Samajh Rahe Hain
Hanste Hanste Aaj Bhi Shayd
Meri Aankhen Bheeg Gai Hain
Fakhra Gul
Click on pic for full view
Ya Rab Ho Kuch Ilaaj Meri Saada-dili Ka
Makhlooq Teri Mujh Ko Satane Pe Tuli Hai
Kia Faida Baidar Agar Ho Bhi Gaye Ab
Ye Aankh Tabahi K Dahane Pe Khuli Hai
Fakhra Gul
Click on pic for full view
Kaise Khud Ko Main Bachaon Kisi Nazar-e-Badd Se
Tu Mujhe Koi Dua Koi Manajaat Sikha
Chaaron Janib Hai Mere Sharr-o-Hasad Bikhra Hua
Ay Meri Maa Tu Mujhe "Soora Wannaas" Sikha
Fakhra Gul
Click on pic for full view
Mout Ki Pehli Nishani Ye Nazar Aai Hai
Mere Balon Main Safedi Si Utar Aai Hai
Aahaten Sard Hawaon Ki Ye Batlati Hain
Phir Kisi Aankh Main Be Waja Nami Aai Hai
Fakhra Gul
Click on pic for full view
Ehsas-e-Jurm Irtkab-e-Jurm Se Zyada Balke Kahin Ziada Khalish Ka
Baais Banta Hai Kyon K Irtkab-e-Jurm To Waqt Ki Chand Ghariyon K Sath Khatam
Ho Jata Hai Is K Bar-aks Ehsas-e-Jurm Dil Main Zinda Ho Jaye To Phir
Marta Nahi Hai Balke Murtakib Ki Zindagi Ko Ghan Ki Tarha Chat Leta Hai.
Iqtebas: "Wohi Aik Lamha Zeest Ka" by "Fakhra Gul"
Click on pic for full view
Agar kabi aisa ho k aik hi zameen per rehte huey
humare darmiyan koson ya meelon ki bhi doori ho
jaye to yaad rakhna k faslee sirf unhi logon k liye
waswason aur khadshat ka baais bante hain jin k dil
me Mohabbat kamzor ho warna jitni bhi aur jaisi bhi doori
ho us se Mohabbat do aatsha ho jaya karti hai..mazeed
qareeb le aati hai.
Fakhra Gul k novel "Mere humnawa ko khabar karo" se iqtebas
Click on pic for full view
Kabi Lamhon Ki Qabron Se
Purane Lafz Uth Kar
Be Zubani Ki Faseelon Tak Pohnchte Hain
Badan Per Chand Adhoore Khawab Aur Alfaz Be Chehra
Haroof-e-Be Zuban, Pasmurda Aur Be Chain Benaiyan
Sham Ki Yaad Ki Dehleez K Us Paar Aksar
Waqt Ko Dorta Paate Hain To Ro Parte Hain
Larkharaye Jo Kabi Ankahi Baton Ka Khayal
Aik Veeran Hansi Hanste Hi Ro Parte Hain
Jaise Pardes Main Pohnche Koi Ghamnak Khabar
Aur Ghut Ghut K Roye Jate Hain Tanha Aksar
Jaise Awaz Ki Parchaen Sar-e-Koocha-e-Dil
Jane Walon Ko Pukare Hi Chali Jati Ho
Bazgasht Ban K Kisi Ghonj Main Dhal Jati Ho
Neem Bedaar Tamanna Tere Aa jane Ki
Neem Soi Hui Hasrat Bhi Agar Bas Main Ho
Ankahi Baton K Veeran Jazeeray Se Kahin
Bhoolna Is Se To Behtar Hai Agar Bas Main Ho.
Fakhra Gul
Click on pic for full view
Tumhain Jane Ki Jaldi Hai
Wgarna
Judai Ki Sabhi Rasmain
Chalo Hum Bhi Nibha Lete
Wo Sari Ankahi Baten
K Jin Ka Bojh Hai Dil Per
Wo Sab Tum Ko Suna Dete
Tumhain Ye Bhi Bata Dete
K Tum Bhi Zindagi Apni
Faqat Ik Istara Hai
Magar Ab Sochte Hain Hum
Tumhain Jane Ki Jaldi Hai
To Phir Yon Hi Sahi Lekin
Kabi Ye Sochna Bhi Mat
Tumhain Wapis Bulaen Gey
Ye Tum Bhi Jante Ho Gey
K Wapis Aane Walon Main
Wo Apna Pan Nahi Rehta
Wo Chalna Sath Chahen To
Kabi Manzil Nahi Milti
Kabi Rasta Nahi Milta
To Bas Tum Ko Batana Hai
Nibhana Apni Baton Ka Bharam
Hum Ko Bhi Aata Hai
Ye Maana Bin Tumhare
Saans Ka Aana Bhi Mushkil Hai
Magar Tum Dekhna Janaa
Tumhain Jee Kar Dikhaen Gey
K Jeena Sab Ko Aata Hai
Fakhra Gul
Click on photo to view in full size
Tanbih
Hijraton K Mousam Main
Ghar Se Jab Nikalna Ho
Itna Yaad Rakh Lena
Ghar Se Jane Wale Sab
Manzilen Nahi Paate
Hijer Ki Tamazat Ko
Phool Jaise Ye Chehre
Hans K Seh Nahi Paate
Hijraton K Mousam Main
Ghar Se Jab Nikalna Ho
Itna Yaad Rakh Lena
Umer Bhar K Bandhan Main
Gr Duaen Shamil Hon
Umer Bhar K Rishton Ki
Tab Ye Mo'atbar Hon Ge
Maa K Pyar Ki Manind!
Warna Thar K Sehra Ki
Ajnabi Fizaon Main
Khak Aur Khawahish Ka
Ik Ghazaal-e-Ram Khorda
Ik Misaal Zinda Hai
Hijraton K Mousam Main
Ghar Se Aane Walon Ki.....
Fakhra Gul
Taaq Raton Main Hum Ne Manga Hai
Ik Tera Sath Juft Hone Ko
Fakhra Gul
Mere Humnawa Ko Khabar Karo
Ishq Haqeeqi Ho Ya Majazi, Us Ki Had Wahan Se Shuru Hoti Hai
Jahan Per Khud Apni Zaat Per Se Ikhtiyar Ki Had Khatam Ho Jaye...
Fakhra Gul K Novel "Mere Humnawa Ko Khabar Karo" Se Iqtebas
Janaa Tum Ne Dair Laga Di
Wo Sab Kehne Main
Jin Meethey Bolon Ki Khatir
Hum Ne Apni Umer Ganwa Di
Ab Aaye Ho...
Waqt Ne Jab Aankhon Per Sham Bitha Di
Janaa Tum Ne Dair Laga Di
Fakhra Gul
