Sab Kuch Adhoora Hai ( Designed by Guddo )

Click on pic for full view

Sab Kuch Adhoora Hai

Kaie Jazbey

Kisi Paikar Main Dhalne Ko Tarapte Hain

Kaie Aansu

Sarmasargaan Ubharne Ko Machalte Hain

Kaie Mousam

Udasi K Samundar Main Dharakte Hain

Kaie Jugnu

Sitaron Ki Tarha Khilne Ko Marte Hain

Kaie Waadey

Abi Aankhon Main Jalte Hain

Kabi Fursat Mile To Lout Aao

Tumhare Bin Yahan Sab Kuch Adhoora Hai

Read More

Roz-o-Shab K Meley Main Ghaflaton K Maare Hum ( Designed by Guddo )

Click on pic for full view

Roz-o-Shab K Meley Main Ghaflaton K Maare Hum

Shayd Ye Samajhte Hain Hum Ne Jis Ko Dafnaya

Bas Usi Ko Marna Tha

Read More

Mujhe Tum Yaad Aate Ho ( Poetry by Farhat Abbas Shah n Designed by Guddo )

Click on pic for full view

Kahin Barish Baras Jaye

Kahin Sehra Taras Jaye

Kahin Kali Ghata Utre

Kahin Bad-e-Saba Thehre

Tumhare Aur Mere Darmiyan

Aa Kar Khuda Thehre

To Meri Zindagi K Awwal-o-Aakhir

Tum Us Lamhe

Khuda K Baad Aate Ho

Mujhe Tum Yaad Aate Ho

Farhat Abbas Shah

Read More

Main Bohat Thak Gai Thi ( Poetry by Rabia Basri n Designed by Guddo )

Click on pic for full view

Main Bohat Thak Gai Thi

Tumhari Be-Aitnai Bari Jaan Leva Thi

Jabhi

Ik Shajar Apna Saya Liye Meri Aur Aaya

To Main Ne

Umer Bhar K Liye

Us Ki Chaon Orrh Lene Ka Faisla Kar Liya

Teri Yadon Se Khud Ko Reha Kar Liya

Suno Ho Sake To

Khud Ko Meri Jaga Rakh K Sochna

Aur Dil Ki Chubhan

Meri Uljhan

Safar Ki Thakan Samne Rakh K

Mujhe Maaf Kar Dena

Rabia Basri

Read More

Chahta Tha Me Toot Kar Us Ko ( Designed by Guddo )

Click on pic for full view

Chahta Tha Me Toot Kar Us Ko
Wo Bhi Mujh Per Fareefta Tha Bohat
Hum They Aik Jaan Aur Do Qalib
Wisal Hota Tha Jab Naseeb Humen
Dono Ik Doosre Se Kehte They
Hijer Hum Ko Na Raas Aaye Ga
Hum Jo Bichre To Bas Yehi Ho Ga
Saans Ki Dor Toot Jaye Gi
Mout Hum Ko Gale Lagaye Gi
Aur Phir Ye Hua K Qismat Ne
Doosre Ka Bana Diya Us Ko
Gham To Mujh Ko Bohat Hua Lekin
Toot Pai Na Saans Ki Dori
Aur Phir Aik Din Ba Majboori
Main Bhi Tajdeed-e-Ishq Kar Betha
Ehd-o-Pemaan Kiye They Jo Hum Ne
Ab Kahan Un Ki Yaad Taza Hai
Jaan Se Guzra Na Ishq Main Koi
Main Bhi Zinda Hon Wo Bhi Zinda Hai

Read More

Main Aasman K Aangan Main Ghar Bana Leta ( Designed by Guddo )

Click on pic for full view

Mujhe Faraib Na Milta Agar Sitaron Se

Main Aasman K Aangan Main Ghar Bana Leta

Read More

Mohabbat Chehre Dekh K Nahi Hoti ( Poetry by Rabia Basri n Designed by Guddo )

Click on pic for full view

Mohabbat Chehre Dekh K Nahi Hoti
Kaie Chahat Bhare Se Dil
Bohat Se Chand Chehre
Kaie Jadu Bhari Aankhen
Mohabbat Se Bhari Bahen
Bulati Hain
Us Khushnawa Ki Halki Si Sada Sunne Ko
Jane Kis Kis Ne
Apni Samahaten Rehan Rakhwai Thien
Lekin Suraj Ne Ik Subah
Apni Aankhen Khol K Khirki Se Jhanka
To Hairan Ho Gia
Palken Tak Jhapakna Bhool Betha
Wo Ziddi Teekhi Si
Khush Adaa Aur Khush Galo Larki
Bohat Hi Aam Se Ik Shakhs K
Qadmon Main Sar Rakh K
Mohabbat Mangti Thi
Rabia Basri

Read More

Kitab Aur Khawab ( Designed by Guddo )

Main Tumhari Aankhon K Kinare Beth Kar

Khawabon K Bare Main

Aik Kitab Likhna Chahta Hon

Read More

Agar Tum Pas Rehte To ( Designed by Guddo )

Click on pic for full view

Mohabbat K Sawalon Ko Hawale Mil Gaye Hote

Jahan Phoolon Ko Khilna Tha Wahin Per Khil Gaye Hote

Meer Emaan Ki Takmeel Bhi Aasan Ho Jati

Faraiyat Mujhe Be Simt Raston Per Na Bhatkati

Zaroort Mujh Ko Be Awaz Chehron Se Na Milwati

Hazar Sooraton Main Yon Kabi Tajseem Na Hota

Agar Tum Pas Rehte To

Main Yon Taqseem Na Hota...!!

Read More

Tumhain Jane Ki Jaldi Hai ( Poetry by Fakhra Gul n Designed by Guddo )

Click on pic for full view

Tumhain Jane Ki Jaldi Hai

Wgarna
Judai Ki Sabhi Rasmain
Chalo Hum Bhi Nibha Lete
Wo Sari Ankahi Baten
K Jin Ka Bojh Hai Dil Per
Wo Sab Tum Ko Suna Dete
Tumhain Ye Bhi Bata Dete
K Tum Bhi Zindagi Apni
Faqat Ik Istara Hai
Magar Ab Sochte Hain Hum
Tumhain Jane Ki Jaldi Hai
To Phir Yon Hi Sahi Lekin
Kabi Ye Sochna Bhi Mat
Tumhain Wapis Bulaen Gey
Ye Tum Bhi Jante Ho Gey
K Wapis Aane Walon Main
Wo Apna Pan Nahi Rehta
Wo Chalna Sath Chahen To
Kabi Manzil Nahi Milti
Kabi Rasta Nahi Milta
To Bas Tum Ko Batana Hai
Nibhana Apni Baton Ka Bharam
Hum Ko Bhi Aata Hai
Ye Maana Bin Tumhare
Saans Ka Aana Bhi Mushkil Hai
Magar Tum Dekhna Janaa
Tumhain Jee Kar Dikhaen Gey
K Jeena Sab Ko Aata Hai
Fakhra Gul

Read More

Bas Itna Sa Haq ( Poetry by Rabia Basri n Designed by Guddo )

Click on pic for full view

Bas Itna Sa Haq

Tera Aaj Aur Kal

Tera Her Aik Pal

Tera Wisal, Usey Mubarak

Mujhe Qurbaton Se Kia Lena

Khushiyon Main Bhala Mera Kia Hissa

Bas Itna Karna

Dukh K Zard Lamhon Main

Mujhe Dehan Main Le Aana

Jaan Lena

K Dard K In Lamhon Main

Main Bhi Behaal Ho K

Sir Sajde Main Rakhe

Tere Hissey K Dukh

Apne Daaman Main Bhar Jane Ki

Dua Mangon Gi

Itna To Kar Sakti Hon Na

Itna Sa Haq To Do Gey???

Rabia Basri

Read More

Gulon Ko Bhi Nahi Aaya Abi Tak Is Tarha Khilna ( Designed by Guddo )

Click on pic for full view

Gulon Ko Bhi Nahi Aaya Abi Tak Is Tarha Khilna

Sawerey Jis Tarha Wo Nend Se Bedaar Hoti Hai

Read More

Tum Mere Paniyon Ka Safar Karne Wali ( Designed by Guddo )

Click on pic for full view

Tum Mere Paniyon Ka Safar Karne Wali

Wo Pehli Sada Ho

Jise Main Ne Apne

Hazaron Baras Pehle

Khoye Kinaron Ki Daryaft Ka

Dukh Diya Tha

Read More

Bikhar Rahe Hain Meri Zindagi K Tamam Wark ( Poetry by Ahmed Faraz n Designed by Guddo )

Bikhar Rahe Hain Meri Zindagi K Tamam Wark

Na Jane Kab Koi Aandhi Urra K Le Jaye

Main Kab Tak Dosron K Dukh Sambhal K Rakhon Faraz

Jis Jis K Hain Wo Nishani Bata K Le Jaye

Ahmed Faraz

Read More

Main Bhi Aam Si Larki Hon ( Poetry of Rabia Basri n Designed by Guddo )

Main Bhi Aam Si Larki Hon

Tum Ne Mujhe Koi Sangi Mujasma Hi Samjha

K Jis Per Koi Baat, Koi Dukh

Koi Takleef Asar Nahi Karti

Mere Dosto!

Dhoop Ki Chubhan Mujhe Bhi Hoti Hai

Kisi Ka Sakht Lehja Mujhe Bhi Mehsoos Hota Hai

Baton K Teer Mujhe Bhi Lagte Hain

Kisi Mazboot Bazu Ka Hassaar Mujhe Bhi Chahiye

Aik Aitbar Mujhe Bhi Chahiye

Aik Ghar Aik Dareechey Ki Khawahish Mujhe Bhi Hai

Main Koi Sangi Mujasma Nahi Hon

Bohat Aam Si Larki Hon

Kash! Tum Ne Mujhe Kabi Khas Na Samjha Hota

Rabia Basri

Read More

Main Ne Tum Se Tumhain Manga ( Designed by Guddo )

Shikwa

Main Ne Tum Se Tumhain Manga

To Tum Muskura Diye

Tum Ye Bhi To Keh Sakte They

K...

Apni Cheezain Manga Nahi Karte

Read More

Bheegi January Phir Lout Aai Hai ( Designed by Guddo )

Wohi Galiyan Wohi Kooche Wohi Sardi Ka Mousam Hai

Isi Andaz Se Apna Nizam-e-Zeest Barham Hai

Ye Husn-e-Itefaq Aisa K Nikhri Chandni Bhi Hai

Wohi Her Simt Veerani, Udasi Tishnagi Si Hai

Wohi Hai Bheer Sochon Ki Wohi Tanhaiyan Phir Se

Musafir Ajnabi Aur Dasht Ki Pehnaiyan Phir Se

Mujhe Sab Yaad Hai Kuch Saal Pehle Ka Qissa Hai

Wohi Lamha To Veerane Ka Aan Abaad Hissa Hai

Meri Aankhon Main Wo Ik Lamha Mojood Ab Bhi Hai

Wo Zinda Raat Ki Tanhai Main Sargoshiyan Ki Thien

Kisi Ki Narm Guftari Ne Dil Ko Loriyan Di Thien

Kisi Ne Meri Tanhai Ka Sara Karb Banta Tha

Kisi Ne Raat Ki Chunri Main Roshan Chand Taanka Tha

Chamakte Jugnuon Ka Sell Ik Bakhsha Tha Raton Ko

Dharkta Sa Naya Unwan Diya Tha Mere Khawabon Ko

Mere Shairon Main Ilhaam Ki Soorat Wo Utra Tha

Maani Ban K Jo Lafzon Main Pehli Baar Dharka Tha

Wo Jis K Hone Se Zindagi Naghma Sarai Hai

Usey Kehna! Bheegi January Phir Lout Aai Hai

Read More

Bharam Rakha Hum Ne Chand Ka

Bharam Rakha Hum Ne Chand Ka Warna Irada Tha

Tera Bazu Pakar Lete Aur Us Ki Rubaru Karte

Read More

Wo Is Andaz Ki Mujh Se Mohabbat Chahta Hai ( Designed by Guddo )

Wo Is Andaz Ki Mujh Se Mohabbat Chahta Hai

Mere Her Khawab Per Apni Hakumat Chahta Hai

Wo Kehta Hai Main Us Ki Zaroorat Ban Chuka Hon

To Goya Wo Mujhe Hisb-e-Zaroorat Chahta Hai

Read More

Tumhari Yaad Jeevan Hai ( Poetry of Aatif Saeed n Designed by Guddo )

Kisi Mousam Main Bhi

Jo Meri Yaad Ka Dil Se

Kabi Jo Rabta Toote

To Dil Ko Dosh Mat Dena

Samajh Lena

K Jo Tum Se Ye Kehta Tha

Tumhari Yaad Jeevan Hai

Wo Ab Aisa Nahi Kehta

Aatif Saeed

Read More