Click on pic for full view
Humari Dastan Bhi
Ajeeb Dastan Hai
Tamaam Ho Gai Magar
Jo Sab Se Eham Baab Tha
Wo Baab Kho Gia Kahin
Hawa Na Jane Kis Tarha
Urra K Le Gai Usey
Koi Warq Idhar Gia
Koi Warq Udhar Gia
Unhi Ki Justaju Main Ab
Bhatak Rahi Hai Zindagi
Yahan Wahan, Idhar Udhar
Shabnam Iqbal
Click on pic for full view
Insan K Bikhre Huey Ajzaye Anaa Dekh
Tann Aur Hai Mann Aur Hai Dil Aur Zuban Aur
Aatish Kada-e-Ishq Main Khashak-e-Khird Daal
Kuch Dair Bharakte Huey Sholon Ka Dhuwaan Aur
Click on pic for full view
Kis Ko Dhoondon Falak Ki Wussat Main
Mera Ehsas Hi Mera Rab Hai
Qais Ali Meer
Click on pic for full view
Sab Kuch Adhoora Hai
Kaie Jazbey
Kisi Paikar Main Dhalne Ko Tarapte Hain
Kaie Aansu
Sarmasargaan Ubharne Ko Machalte Hain
Kaie Mousam
Udasi K Samundar Main Dharakte Hain
Kaie Jugnu
Sitaron Ki Tarha Khilne Ko Marte Hain
Kaie Waadey
Abi Aankhon Main Jalte Hain
Kabi Fursat Mile To Lout Aao
Tumhare Bin Yahan Sab Kuch Adhoora Hai
Click on pic for full view
Kaise Khud Ko Main Bachaon Kisi Nazar-e-Badd Se
Tu Mujhe Koi Dua Koi Manajaat Sikha
Chaaron Janib Hai Mere Sharr-o-Hasad Bikhra Hua
Ay Meri Maa Tu Mujhe "Soora Wannaas" Sikha
Fakhra Gul
Click on pic for full view
Lout Aao...
K Main Ne Suna Hai
Khud Se Baten Karne Wale
Aksar Pagal Ho Jate Hain
Click on pic for full view
Jane Ko Naye Baras Main Zeena To Na Hota
Ay Kash December Ka Maheena To Na Hota
Aaye Ga Naya Saal Bhi Le Kar Guzishta Haal
Her Saal Ka Bas Aik Qareena To Na Hota
Gham K Pila K Jaam Guzarte Hain Saare Saal
Ay Kash Kisi Saal Ye Peena To Na Hota
Dil Is Qadar Hai Tang K Deta Hai Sadaen
Ay Kash Mere Gird Ye Seena To Na Hota
Badle Ga Naya Saal, Na Badlen Gey Hum Ali
Ay Kash K Is Tor Ye Jeena To Na Hota
Click on pic for full view
To Phir Wo Ishq Ye Naqd-o-Nazar Baraye Farokht
Sakhan Baraye Huner Hai Huner Baraye Farokht
Main Pehle Qoofa Gia Us K Bad Misar Gia
Idhar Baraye Shahaadat Udhar Baraye Farokht
Click on pic for full view
Mout Ki Pehli Nishani Ye Nazar Aai Hai
Mere Balon Main Safedi Si Utar Aai Hai
Aahaten Sard Hawaon Ki Ye Batlati Hain
Phir Kisi Aankh Main Be Waja Nami Aai Hai
Fakhra Gul
Click on pic for full view
Ab Aa Bhi Jao K Sham-o-Sehar Khule Huey Hain
Tumhare Wastey Aankhon K Dar Khule Huey Hain
Adnan Khan Asar
Click on pic for full view
Us Ki Muthi Main Bohat Roz Raha Mera Wajood
Mere Sahir Se Kaho Ab Mujhe Azad Kare
Click on pic for full view
Main Tere Sang Sada Hon
Jahan Ho Tu Janaa
Shab-e-Siyah Main Taron Ki Rida Ki Soorat
Zair-e-Lab Pinha Kisi Hurf-e-Dua Ki Soorat
Bahaar-e-Subha Main Baad-e-Saba Ki Soorat
Tere Wajood Main Gardish-e-Lahu Ban Kar
Falak Pe Rang-e-Dhanak Aur Gul Main Boo Ban Kar
Dil-e-Hazeen Main Betab Aarzu Ban Kar
Main Tere Sang Sada Hon
Jahan Ho Tu Janaa
Daaman-e-Abar Se Barish Ho Kabi Yadon Ki
Bhigoye Oss Jo Siskarte Se Khawabon Ki
Sahi Na Jaye Saza Hijer K Ataabon Ki
Akaile Pan Ki Udasi Mehsoor Karne Lage
Gham-e-Firaq Rag-o-Jaan Main Gr Utarne Lage
Sada Dena Mujhe Jab Bhi Tu Bikharne Lage
Main Tere Sang Sada Hon
Jahan Ho Tu Janaa...
Nusrat Naseem
Click on pic for full view
Kabi Lafz Bhool Jaon Kabi Baat Bhool Jaon,
Tujhe Is Qadar Chahon Apni Zaat Bhool Jaon,
Uth Kar Kabi Jo Tere Paas Se Chal Don,
Jate Huey Khud Ko Tere Paas Bhool Jaon.
Click on pic for full view
Meri Aankhon Se Dhoonden Tujhe Her Soo Dekhen
Sirf Khalwat Main Jo Karte Hain Nazara Tera
Wo Andheron Se Bhi Drana Guzar Jate Hain
Jin K Mathey Main Chamakta Hai Sitara Tera
Nadiyan Ban Kar Paharon Main To Sab Ghoomte Hain
Rehguzaron Main Bhi Behta Raha Darya Tera
Ahmed Nadeem Qasmi
Click on pic for full view
Uljha Rahi Hai Mujh Ko Yehi Kashmakash Musalsal,
K Tu Aa Basa Hai Mujh Main Ya Main Kho Gia Hon Tujh Main
Click on pic for full view
Ye Aarzu Hai K Khushbu Hassaar Ho Mera
Jo Apni Bahon Ko Sandal Bana Sako To Kaho
Ward Bazmi
Raat Abi Tanhai Ki Pehli Dehleez Pe Hai
Aur Meri Janib Apne Hath Barhati Hai
Soch Rahi Hon In Ko Thamon
Zeena Zeena Sannaton K Tehkhanon Main Utron
Ya Apne Kamre Main Thehron
Chand Meri Khirki Per Dastak Deta Hai
Parveen Shakir
Khud Ko Dekhey Arsa Beeta
Apni Aankhen Bhejo Naa
Aasman K Maalik Se
Do Jahan K Khaliq Se
Sirf Itna Chaha Hai
Sirf Itna Manga Hai
Roz-o-Shab Riyazat Ka
Pur Khaloos Chahat Ka
Be Panah Mohabbat Ka
Itna To Sila Hota
Wo Mujhe Mila Hota
Mehroo Ali
Shikwa
Main Ne Tum Se Tumhain Manga
To Tum Muskura Diye
Tum Ye Bhi To Keh Sakte They
K...
Apni Cheezain Manga Nahi Karte
