Click on pic for full view
Teri Yaden
Zaat Ki Chatano Per
Jism-o-Jaan K Sahil Per
Aik Ajab Talatum Hai
Aankhon Ki Nami Dil Se
Moj Ban Kar Milti Hai
Hum To Bas Akaile Hain
Jane Kyon Teri Yaden
Foj Ban Kar Milti Hain
Ranjishen Hi Sahi Dil Hi Dukhane K Liye Aa
Aa Phir Se Mujhe Chor K Jane K Liye Aa
Kis Kis Ko Bataen Gey Judai Ka Sabab Hum
Tu Mujh Se Khafa Hai To Zamane K Liye Aa
Ahmed Faraz
Pegham
Mere Meharban Qasid!
Khawab Ki Musafat Pe
Jane Wale Rahi Ko
Sirf Itna Keh Dena
"Umer K Kawarron Pe
Jane Kitne Barson Ki
Gard Jam Gai Janaa
Tera Rasta Takte
Tere Dil Garifta Ki
Sans Tham Gai Janaa..!
Mehroo
Hui Hai Sham To Aankhon Main Bas Gia Phir Tu
Kahan Gia Hai Mere Shehar K Musafir Tu
Bohat Udas Hai Ik Shakhs Tere Jane Se
Jo Ho Sake To Chala Aa Usi Ki Khatir Tu
Ahmed Faraz
Bohat Ghoomi Jahan Bhar Me
Mujhe Aawargi Le Kar
Kabi Sehra Samundar Me
Kabi Dunia K Melon Me
Kabi Jungle Me Bhatkaya
Ajab Wehshat Lahu Me Thi
Nazar Bhi Justaju Me Thi
Kaie Chehre They Aankhon Me
Unhi Chehron Ki Khawahish Me
Her Aik Manzil Ko Thukraya
Sakoon Phir Bhi Nahi Paya
Mohabbat Aakhri Manzil, Mohabbat Aakhri Saya
Kabi Thak K So Gaye Hum Kabi Raat Bhar Na Soye
Kabi Hans K Gham Chupaye Kabi Monh Chupa K Roye
Meri Dastan-e-Hasrat Wo Suna Suna K Roye
Mujhe Aazmane Wale Mujhe Aazma K Roye
Shab-e-Gham Ki Aap Beeti Jo Sunai Anjuman Main
Koi Sun K Muskuraye Koi Muskura K Roye
Parveen Shakir
