Jis taraf dekhon faqat ek rukh-e-zeba dekhon (Poetry by Nusrat Naseem n Designed by Passion Creations )

Click on pic for full view

Jis taraf dekhon faqat ek rukh-e-zeba dekhon
Wo nazar aaye na mujh ko to main phir kia dekhon

Qaid-e-tanhai main gum sum si khari hon kab se
Jis ki koi nahi manzil main wo rasta dekhon

Raha qurbat main bhi doori hi ka ehsas mujhe
Aik wehshat ka samaa hai isey kitna dekhon

Apne hathon ki lakeeron main tujhe dhoondti hon
Kaisa mujh ko meri taqdeer ne likha dekhon

Her taraf phail gai tishnagi-e-hirs-o-hawas
Shehar ka shehar hai is dour main pyasa, dekhon

Doobna mera muqaddar hai to phir dabo de mujhe
Teri aankhon main to main doobta dariya dekhon

Gham-e-doraan ne teri yaad mita di janaa
Kitna anjana lage jab tera chehra dekhon
Nusrat Naseem

Read More

Na Ab Tum Lout Kar Aana ( Poetry by Nusrat Naseem n Designed by Passion Creations )

Click on pic for full view

Bujhe hain sab charagh-e-dil na ab tum lout kar aana
Bohat sunsaan hai mehfil na ab tum lout kar aana

Na aaye tum to yaqeen uth gia sidq-e-mohabbat se
Hai chahat jazba-e-batil na ab tum lout kar aana

Bohat dushwar tha dil ka sambhal jana kabi lekin
Ye ab sehna nahi mushkil na ab tum lout kar aana

Teri rahon ko takte chal diye hum dasht-e-ulfat se
K rukhsat ho chali manzil na ab tum lout kar aana

Tum aate bhi to kia hota faqat ranj-o-alam barhte
Nahi qismat main jo shamil na ab tum lout kar aana

Bohat hum toot k bikhre faqat kuch lafz kehne main
Ye kehna kitna tha mushkil na ab tum lout kar aana
Nusrat Naseem

Read More

Chup Na Rehte Byan Ho Jate ( Poetry by Noshi Gillani n Designed by Passion Creations )

Click on pic for full view

Chup Na Rehte Byan Ho Jate
Tujh Se Gr Badguman Ho Jate
Zabt-e-Gham Ne Bachaa Liya Warna
Hum Koi Dastaan Ho Jate 

Tu Ne Dekha Nahi Palat K Humen
Warna Hum Meharban Ho Jate

Tere Qissay Main Hum Bhala Khud Se

Kis Liye Badguman Ho Jate
Tere Dil Ki Zameen Hi Na Mili
Warna Hum Aasman Ho Jate

Noshi Gillani

Read More

December Ka Maheena ( Designed by Asif's Creation )

Click on pic for full view

Jane Ko Naye Baras Main Zeena To Na Hota
Ay Kash December Ka Maheena To Na Hota
Aaye Ga Naya Saal Bhi Le Kar Guzishta Haal
Her Saal Ka Bas Aik Qareena To Na Hota
Gham K Pila K Jaam Guzarte Hain Saare Saal
Ay Kash Kisi Saal Ye Peena To Na Hota
Dil Is Qadar Hai Tang K Deta Hai Sadaen
Ay Kash Mere Gird Ye Seena To Na Hota
Badle Ga Naya Saal, Na Badlen Gey Hum Ali
Ay Kash K Is Tor Ye Jeena To Na Hota

Read More

Din nikle to soch alag sham dhale wajdan alag ( Designed by Atif Saad )

Click on pic for full view

Din nikle to soch alag sham dhale wajdan alag,
Umeed alag aas alag sukoon alag tufan alag,
Tashbeeh don to kis se k tere husn ka her rang,
Neel alag zamurd alag yaqoot alag marjan alag,
Teri ulfat k takaze bhi ajab andaz k they,
Iqrar alag takrar alag tehzeem alag farman alag,
Gar sath nahi ab de sakte to bant do yakjan lamhe,
Masroor alag nidhal alag purkaif alag preshan alag,
Waqt-e-rukhsat alvida ka lafz jab kehne lage,
Aansu alag muskan alag betabi alag hijan alag,
Jab chor gaye tab dekha apni aankhon ka rang,
Hairan alag pasheman alag sunsan alag biyaban alag.

Read More

Mohabbaton main bhi hum izzaton k qaail they ( Poetry by Nusrat Naseem n Designed by Passion Creations )

Click on pic for full view

Mohabbaton main bhi hum izzaton k qaail they
Anaa k butt they so apni hi rah main haail they
Usey jo paya to phir kho diya usey hum ne
Ajeeb log they hum qismaton se ghaail they
Humen to gham k samundar main doobna hi tha
Safeene apne agarche qareeb-e-sahil they
Saleeqa mangne ka bhi na aa saka hum ko
Gaye jo daaman-e-khali se hum wo saail they
 Qadam they sholon pe honton pe muskurahat thi
Tumhare ishq main kuch aur bhi marahil they
Nusrat Naseem

Read More

Usey Betab Ho Kar Sochti Hon ( Poetry by Sabila Inam Siddiqui n Designed by Passion Creations )

Click on pic for full view

Usey Betab Ho Kar Sochti Hon
Main Ik Gulfam Aksar Sochti Hon
Hui Haail Kuch Aisi Badgumani
Main Ik Heeray Ko Pathar Sochti Hon
Wo Ik Lamha Jo Beeta Kal Hai Mera
Main Her Lamha Wo Manzar Sochti Hon
Hon Jis Ki Zaat Se Wabasta Kab Se
Ab Us Ko Apna Mehvar Sochti Hon
Meri Doli Jahan Se Sajh K Nikli
Main Babul Ka Wohi Ghar Sochti Hon
Ye Hao Hu Badan K Ghao Per Hai
Magar Main Dil K Nishtar Sochti Hon
Tumhari Yaad K Badal Jo Aaye
To Ban K Baad-e-SarSar Sochti Hon
Sabila Kia Kahe Manzil Kahan Hai
Khuda Shahid Hai Jo Dar Sochti Hon
Sabila Inam Siddiqui

Read More

Wo Sawan Jis Main Zulfon Ki Ghata Chai Nahi Hoti ( Poetry by Qateel Shafai n Designed by Bisma's Arts )

Click on pic for full view

Wo Sawan Jis Main Zulfon Ki Ghata Chai Nahi Hoti
Jo Barse Bhi To Serab Apni Tanhai Nahi Hoti
Janab-e-Ishq Karte Hain Karam Kuch Khas Logon Per
Her Insan K Muqaddar Main To Ruswai Nahi Hoti
Samundar Pur Sakoon Hai Is Liye Gehra Bhi Hai Warna
Machalti Nadiyon Main Koi Gehrai Nahi Hoti
Ye Wa'az Hai, Nahi Taqreer Main Rakhta Jawab Apna
Magar Us Shakhs Ki Baton Main Sachai Nahi Hoti

Qateel Shafai

Read More

Kisi Roz Barish Me Ghar Se Nikalna ( Designed by Passion Creations )

Click on pic for full view

Kisi Roz Barish Me Ghar Se Nikalna
Khizan Me Gire Toote Patton Pe Chalna
Tapakne Lage Jab Darakhton Se Pani
Tumain Yaad Aaye Gi Beeti Kahani
K Jab Hum Kisi Sham Tum Se Mile They
Mohabat K Raston Pe Hum Tum Chale They
Teri Neeli Ankhon Me Rang-e-Wafa Tha
Kanwal Jheel Me Jaise Khilne Laga Tha
Wo Saddiyon K Kissey Wo Baten Purani
Karen Yaad Kyon Kar Wo Beeti Kahani
Mohabat Ki Shamma Jala Di Bujha Di
Ajab Ik Kahani Hai Rang-e-Wafa Ki

Read More

Pro Diye Mere Aansu Hawa Ne Shakhon Main ( Poetry by Parveen Shakir n Designed by Bisma's Arts )

Click on pic for full view

Pro Diye Mere Aansu Hawa Ne Shakhon Main

Bharam Bahar Ka Baqi Rahe Nigahon Main

Saba To Kia K Mujhe Dhoop Tak Jaga Na Saki

Kahan Ki Nend Utar Aai Hai In Aankhon Main

Kuch Itni Taiz Hai Surkhi K Dil Dharakta Hai

Kuch Aur Rang Pas-e-Rang Hai Gulabon Main

Spurdgi Ka Nasha Tootne Nahi Paata

Anaa Samai Hui Hai Wafa Ki Bahon Main

Badan Pe Girti Chali Ja Rahi Hai Khawab Si Barf

Khanak Spedi Ghuli Ja Rahi Hai Sanson Main

Parveen Shakir

Read More

Talab Ko Ajar Na Don Fiker-e-Rahguzar Na Karon ( Poetry by Mohsin Naqvi n Designed by Sunny Shah )

Click on pic for full view

Talab Ko Ajar Na Don Fiker-e-Rahguzar Na Karon
Safar Main Ab K Hawa Ko Bhi Humsafar Na Karon
Ubharte Doobte Suraj Se Tor Lon Rishta
Main Sham Orrh K So Jaon Aur Sehar Na Karon
Ye Mere Dard Ki Dolat Meri Mata-e-Firaq
In Aansuon Ki Wazahat Main Umer Bhar Na Karon
Ujaar Shab Ki Khalash Ban K Ban Main Kho Jaon
Main Chandni Ki Tarha Khud Ko Dar Badar Na Karon
Wo Aik Pal Ko Dikhai To De Kahin Mohsin
Main Jaan Ganwa Kar Bhi Us Pal Ko Mukhtasir Na Karon
Mohsin Naqvi

Read More

Mujhe Mat Chor Kar Jana ( Poetry by Nusrat Naseem n Designed by Passion Creations )

Click on pic for full view

Pukara Karb Se Dil Ne Mujhe Mat Chor Kar Jana
Nahi Phir Raste Milne Mujhe Mat Chor Kar Jana
Judai K Tasawwar Se Ye Dharti Kanp Uthi Hai
Laga Hai Arsh Bhi Hilne Mujhe Mat Chor Kar Jana
Karo Tum Yaad Wo Pemaan Humare Sath Jeene K
Kaha Tha Dil Se Jab Dil Ne Mujhe Mat Chor Kar Jana
Musarrat Ki Kiran Phaile Gi Chatt Jaye Gi Tareeki
Wafa K Phool Hain Khilne Mujhe Mat Chor Kar Jana
Jigar Main Chaid Kar De Gi Faqat Ik Pal Ki Doori Bhi
Hain Zakham-e-Hijer Kab Silne Mujhe Mat Chor Kar Jana
Nusrat Naseem

Read More

Ye Dasht-e-Hijer Ye Wehshat Ye Sham K Saye ( Poetry by Amjad Islam Amjad n Designed by Bisma's Art )

Click on pic for full view

Ye Dasht-e-Hijer Ye Wehshat Ye Sham K Saye

Khuda Ye Waqt Teri Aankh Ko Na Dikhlaye

Usi K Naam Se Lafzon Main Chand Utre Hain

Wo Aik Shakhs K Dekhon To Aankh Bhar Aaye

Jo Kho Chuke Hain Unhen Dhoondna To Mumkin Hai

Jo Ja Chuke Hain Unhen Koi Kis Tarha Laye

Kali Se Main Ne Gul-e-Tr Jise Banaya Tha

Ruten Badalti Hain Kaise Mujhe Hi Samjhaye

Jo Be Charagh Gharon Ko Charagh Deta Hai

Usey Kaho K Mere Shehar Ki Taraf Aaye

Ye Iztarab Musalsal Azaab Hain Amjad

Mera Nahi To Kisi Aur Hi Ka Ho Jaye

Amjad Islam Amjad

Read More

Meri Aankhon Se Dhoonden Tujhe Her Soo Dekhen ( Poetry by Ahmed Nadeem Qasmi n Designed by Deepless Eyes )

Click on pic for full view

Meri Aankhon Se Dhoonden Tujhe Her Soo Dekhen

Sirf Khalwat Main Jo Karte Hain Nazara Tera

Wo Andheron Se Bhi Drana Guzar Jate Hain

Jin K Mathey Main Chamakta Hai Sitara Tera

Nadiyan Ban Kar Paharon Main To Sab Ghoomte Hain

Rehguzaron Main Bhi Behta Raha Darya Tera

Ahmed Nadeem Qasmi

Read More

Tujhe Dekh Kar Janaa Mousam-e-Bahar Likhta ( Poetry by Faisal Shabir n Designed by Waheed's Art )

Click on pic for full view

Tujhe Dekh Kar Janaa Mousam-e-Bahar Likhta
Tere Labon Ko Mohabbat Ki Main Aabshar Likhta
Tu Ghazal Hoti To Tujhe Tarashta Kuch Is Tarha
Chandni Ko Khushbu Aur Chand Ko Tera Rukhsar Likhta
Gr Pochti Tu Kabi Mujh Se Mohabbat Ka Sawal
Kitab-e-Zindagi Ki Her Satar Pay Faqat Iqrar Likhta
Tu Sath Hoti Mere Aur Tham Jati Waqt Ki Raftar
Wisal K Ik Lamhe Ko Janaa Pyar Beshumar Likhta
Gr Hota Main Shayar To Bana K Tujhe Ik Nazam
Shairy Ko Apni Teri Chahaton Ka Khumar Likhta
Kabi Jo Achanak Mayassar Aa Jata Deedar Ka Lamha
Tujhe Dekh Kar Faisal Aankhon Se Izhaar Likhta.
Faisal Shabir

Read More

Zindagi Mohabbat Hai Aur Pyar Jeevan Hai ( Poetry by Sada Hussain Sada n Designed by S M Arshad )

Click on pic for full view

Zindagi Mohabbat Hai Aur Pyar Jeevan Hai

Sath Hai Tumhara To Pur Bahar Jeevan Hai

Chahte Hain Kitna Tum Ko Sanam Bataen Kia

Her Adaa Pe Teri Dil Kia Nisaar Jeevan Hai

Kia Kahen Sambhale Bhi Dil Nahi Sambhalta Ab

Lout Kar Chale Aao Beqarar Jeevan Hai

Sada Hussain Sada

Read More

Ik Us K Lams Ka Ehsas Ho Aur Hayat Lout Aaye ( Poetry by Faisal Shabir n Designed by Waheed's Art )

Click on pic for full view

Jo Kahi Us Ne Sargoshi Main Wo Baat Lout Aaye
Teri Yaad Ho Sath Aur Wisal Ki Her Soghat Lout Aaye Aaye
Ye Mousam-e-Hijer Tall Jaye Aur Khil Uthey Bahaar
Ik Us K Lams Ka Ehsas Ho Aur Hayat Lout Aaye
Main Nahi Tanha K Wo Shamil Hai Mujh Me Is Qadar
Jo Wo Nikle To Tanhai Main Meri Zaat Lout Aaye
Na Ho Paas-e-Aadab-e-Talab Ab Jab K
WO Sath Ho Mere Aur Wisal Ki Ik Raat Lout Aaye
Is Chashm-e-Sehra Ko Ab Ashk Ki Boond Bhi Hasil Nahi
Ik Lamha Jo Deedar Ho Tera To Barsat Lout Aaye
Ab To Tabeer Ki Hasrat Nahi Rahi Mujh Ko Faisal
Jise Dhondta Hon Main Her Shab Wo Khawab Lout Aaye

Faisal Shabir

Read More

Ishq Mujh Ko, Mere Hone Ka Hawala Hua Hai ( Poetry by Ahsan Mirza n Designed by Passion Creations )

Click on pic for full view

Ishq Mujh Ko, Mere Hone Ka Hawala Hua Hai
Ishq Ne Hi To Mera Naqsh Sambhala Hua Hai
Shab Ki Zulfon Main Kaie Pech Nazar Aate Hain
Jab Se Furqat Main Mujhe Ishq Ne Dala Hua Hai
Dil K Qartas Pe Jis Shakhs K Likha Hua Tha
Aaj Us Shakhs Ne Hi Dil Se Nikala Hua Hai
Tu Nahi Hai To Tera Dard Mata-e-Jaan Hai
Aik Muddat Se Jise Dil Main Sambhala Hua Hai
Wahmon Main Hi Ghira Rehta Hon, Tum Aaye Ho
Ik Ajab Karb Main Tum Ne Mujhe Dala Hua Hai
Mahrka Mujh Ko Meri Zaat Se Larna Ho Ga
Ab To Dushman Hi Mera Chahne Wala Hua Hai
Ahsan Mirza

Read More

Jab Nazar Nazar Se Milti Hai Pyar Hota Hai ( Poetry by Sada Hussain Sada n Designed by Passion Creations )

Click on pic for full view

Jab Nazar Nazar Se Milti Hai Pyar Hota Hai

Besabab Kahan Dil Ye Beqarar Hota Hai

Le K Naam Tera Khilte Hain Phool Gulshan Main

Dekh Kar Tumhain Mousam Bhi Bahar Hota Hai

Bhool Jate Hain Khud Ko Bhool Jati Hai Dunia

Wisal Ka Tumhare Aisa Khumar Hota Hai

Cheer Phaar Dete Hain Dagh Hasraton K Dil

Furqaton Ka Mousam Jab Jab Sharar Hota Hai

Lakh Tum Bacha Kar Daman Chalo Mohabbat Se

Aik Teer Nazron Ka Dil K Paar Hota Hai

Her Khushi Hui Hai Mansoob Naam Se Tere

Raat Din Tumhara Hi Intezar Hota Hai

Dhoond Parsaon Main Mat Sada Mujhe Aise

Naam Mera Deewano Main Shumar Hota Hai

Sada Hussain Sada

Read More

Aap Apne Likhe Ashaar Bhool Jata Hon ( Poetry by Sada Hussain Sada n Designed by Passion Creations )

 Click on photo to see it bigger
 
Guftagu K Sare Mayar Bhool Bhool Jata Hon

Samne Wo Aaye Izhar Bhool Jata Hon

Waqt Ne Kiya Hai Kamzor Hafza Mera

Aap Apne Likhe Ashaar Bhool Jata Hon

Aik Shakhs Hi Thehra Zindagi Najane Kyon

Darmiyan Hai Kia Kia Dewaar Bhool Jata Hon

Roz Geet Likhta Hon Pyar K Mohabbat K

Kis Qadar Hai Jeena Dushwar Bhool Jata Hon

Sanp Aasteen Ka Dasta Hai Jab Kabi Mujh Ko

Dushmano K Sare Hi Waar Bhool Jata Hon

Jab Dua Deti Hai Maa Choom Choom Kar Maatha

Zindagi K Sare Aazaar Bhool Jata Hon

Her Faraib Khaya Hai Pyar Se Sada Main Ne

Matalbi Hai Dunia Her Baar Bhool Jata Hon

Sada Hussain Sada

Read More