Gr Wafa Main Janoon Nahi Milta ( Poetry by Sada Hussain Sada n Designed by Passion Creations )

Click on pic for full view

Gr Wafa Main Janoon Nahi Milta
Zindagi Bhar Sakoon Nahi Milta
Dil Ye Bhanwra Bana Phire Kab Tak
Her Nazar Main Fasoon Nahi Milta
Aashiqi Zindagi Banati Hai
Ishq Main Sir Nigoon Nahi Milta

Sada Hussain Sada

Read More

Mohabbat Kia Hui Ruswa Zamane Main ( Poetry by Sada Hussain Sada n Designed by Passion Creations )

Click on pic for full view

Mohabbat Kia Hui Ruswa Zamane Main
Jise Dekha Wohi Tanha Zamane Main
Hazaron Rang Hain Dunia K Dunia Main
Koi Jhoota Koi Sacha Zamane Main
Koi Samjha Mujhe Na Main Kisi Ko Yaan
Na Marta Main To Kia Karta Zamane Main
Khuda Se Lo Lagai To Sakoon Paya
Sakoon-e-Qalb Kab Dekha Zamane Main
Wo To Shah Rag Se Bhi Nazdeek Tha Mere
Jise Din Raat Hai Dhoonda Zamane Main
Ye Qasmain Aur Waadey Yar Sab Jhoote
Main Ne Dekha Nahi Kia Kia Zamane Main
Safar Dunia, Musafat Zindagi, Such Hai
To Phir Main Kyon Sada Uljha Zamane Main
Sada Hussain Sada

Read More

Azab dar Azab Dekhe Hain Hum Ne ( Poetry by Sada Hussain Sada n Designed by Passion Creations )

Click on pic for full view

Azab dar Azab Dekhe Hain Hum Ne
Kaie Bikharte Khawab Dekhe Hain Hum Ne
Haqarton Ki Rut Bulai Hai Kis Ne
Bilakte Kuch Gulab Dekhe Hain Hum Ne
Sada Hussain Sada

Read More

Zindagi Mohabbat Hai Aur Pyar Jeevan Hai ( Poetry by Sada Hussain Sada n Designed by S M Arshad )

Click on pic for full view

Zindagi Mohabbat Hai Aur Pyar Jeevan Hai

Sath Hai Tumhara To Pur Bahar Jeevan Hai

Chahte Hain Kitna Tum Ko Sanam Bataen Kia

Her Adaa Pe Teri Dil Kia Nisaar Jeevan Hai

Kia Kahen Sambhale Bhi Dil Nahi Sambhalta Ab

Lout Kar Chale Aao Beqarar Jeevan Hai

Sada Hussain Sada

Read More

Jab Nazar Nazar Se Milti Hai Pyar Hota Hai ( Poetry by Sada Hussain Sada n Designed by Passion Creations )

Click on pic for full view

Jab Nazar Nazar Se Milti Hai Pyar Hota Hai

Besabab Kahan Dil Ye Beqarar Hota Hai

Le K Naam Tera Khilte Hain Phool Gulshan Main

Dekh Kar Tumhain Mousam Bhi Bahar Hota Hai

Bhool Jate Hain Khud Ko Bhool Jati Hai Dunia

Wisal Ka Tumhare Aisa Khumar Hota Hai

Cheer Phaar Dete Hain Dagh Hasraton K Dil

Furqaton Ka Mousam Jab Jab Sharar Hota Hai

Lakh Tum Bacha Kar Daman Chalo Mohabbat Se

Aik Teer Nazron Ka Dil K Paar Hota Hai

Her Khushi Hui Hai Mansoob Naam Se Tere

Raat Din Tumhara Hi Intezar Hota Hai

Dhoond Parsaon Main Mat Sada Mujhe Aise

Naam Mera Deewano Main Shumar Hota Hai

Sada Hussain Sada

Read More

Aap Apne Likhe Ashaar Bhool Jata Hon ( Poetry by Sada Hussain Sada n Designed by Passion Creations )

 Click on photo to see it bigger
 
Guftagu K Sare Mayar Bhool Bhool Jata Hon

Samne Wo Aaye Izhar Bhool Jata Hon

Waqt Ne Kiya Hai Kamzor Hafza Mera

Aap Apne Likhe Ashaar Bhool Jata Hon

Aik Shakhs Hi Thehra Zindagi Najane Kyon

Darmiyan Hai Kia Kia Dewaar Bhool Jata Hon

Roz Geet Likhta Hon Pyar K Mohabbat K

Kis Qadar Hai Jeena Dushwar Bhool Jata Hon

Sanp Aasteen Ka Dasta Hai Jab Kabi Mujh Ko

Dushmano K Sare Hi Waar Bhool Jata Hon

Jab Dua Deti Hai Maa Choom Choom Kar Maatha

Zindagi K Sare Aazaar Bhool Jata Hon

Her Faraib Khaya Hai Pyar Se Sada Main Ne

Matalbi Hai Dunia Her Baar Bhool Jata Hon

Sada Hussain Sada

Read More

Yaad Main Tumhari Janaa Kamal Ab Bhi Hai ( Poetry of Sada Hussain Sada n Designed by Passion Creations )

Haan Gai Ruton Ka Dil Ko Malal Ab Bhi Hai
In Udaas Aankhon Main Ik Khayal Ab Bhi Hai
Dosh Den To Kaise Ik Dosre Ko Hum Dono
Bewafa Wo Tha Ya Main Ye Sawal Ab Bhi Hai
Naam Len Tumhara To Phool Khil Uthen Dil Main
Yaad Main Tumhari Janaa Kamal Ab Bhi Hai
Nochti Hai Tanhai, Be kali Main Guzren Pal
Yaar Bin Tumhare Jeena Mahal Ab Bhi Hai
Dekh Ho Gia Shair Waste Tumhare Main
Her Ghazal Main Meri, Tera Jamal Ab Bhi Hai
Parh Sakoon Main Chehre, Aata Nahi Hunar Ye Bhi
Jaan Ko Meri Kyon Kar Ye Wabal Ab Bhi Hai
Chah K Bhi Sada Haal-e-Dil Na Keh Saka Us Se
Lafz Lafz Mera Dekho Nidhal Ab Bhi Hai

Sada Hussain Sada

Read More

Lout Aao K Tum Bin Guzara Nahi ( Poetry of Sada Hussain Sada n Designed by Passion Creations )

Lout Aao K Tum Bin Guzara Nahi

Kon Si Shab Tumhain Yon Pukara Nahi

Tairgi Nochti Hai Shab-o-Roz Kyon

Kia Muqaddar Main Koi Sitara Nahi

In Ghamon Ka Mere Kuch Madawa Kare

Yaan Koi Dost Aisa Humara Nahi

Sada Hussain Sada

Read More

Bekhudi Main Tumhain Jab Yaad Karta Hon ( Poetry of Sada Hussain Sada n Designed by Passion )

Bekhudi Main Tumhain Jab Yaad Karta Hon

Tujh Se Milne Ki Phir Faryad Karta Hon

Roz Hi Yaad Main Teri Ghazal Keh Kar

Roz Ik Gham Naya Ejad Karta Hon

Kab Gawara Hai Dil Ko Bhoolna Tera

Chain Apna Main Yon Barbad Karta Hon

Phail Jati Hai Kamre Main Teri Khushbu

Main Khayalon Ko Jab Azaad Karta Hon

Bas K Mehsoos Hoti Hai Kami Teri

Besabab Dil Ko Kab Nashad Karta Hon

Sochta Hon Kahan Jaen Ye Ranj-o-Gham

Begharon Ko Sada Aabad Karta Hon

Sada Hussain Sada

Read More

Dil ( Poetry of Sada Hussain Sada n Designed by Passion Creations )

Aik Toota Hua Sitara Dil

Ho Gia Ishq Main Sharara Dil

Teri Ban Gai Wafa Teri

Chahta Hai Tumhain Humara Dil

Ik Na Sajh Saki Tasweer Is Main

Umer Bhar Hi Raha Kanwara Dil

Badguman Ho Gia Zamane Se

Kar Diya Tu Ne Bhi Khasara Dil

Ja Baja Bas Gaye Tum Hi Is Main

Ab Kahan Dil Raha Humara Dil

Kyon Yaqeen Pyar Per Nahi Karta

Kis Qadar Sakht Hai Tumhara Dil

Tum Sambhalo 'Nahi Nahi' Apni

Hum Sambhalen Gham Ka Maara Dil

Phir Kahan Dhondte Phiro Gey Tum

Kar Gia Jo Sada Kinara Dil

Sada Hussain Sada

Read More

Bohat Yaad They Tum Magar Bhool Bethey ( Poetry of Sada Hussain Sada n Designed by Faisals )

Bohat Yaad They Tum Magar Bhool Bethey

Fasana Jo Tha Mukhtasir Bhool Bethey

K Ab Yaad Aate Ho Bas Rog Ban Kar

Mohabbat Ki Tum Bhi Qadar Bhool Bethey

Sada Hussain Sada

Read More

Gar Wafa Me Janoon Nahi Milta

Gar Wafa Me Janoon Nahi Milta

Zindagi Bhar Sakoon Nahi Milta

Sada Hussain Sada

Read More

Wehshaton Se Gr Mujhe Nikale Koi

Wehshaton Se Gr Mujhe Nikale Koi

Khak In Hasraton Per Na Dale Koi

Wasl Ki Shab Koi Likh Mere Naam Bhi

Khawab Tere Kahan Tak Sambhale Koi

Read More

Mohabbat, Dastaan, Unwan Ho Tum

Read More

Sooraj Hath Pe Lane Ka Tha ( Poetry of Sada Hussain Sada n Designed by Ali Abbasi )

Sooraj Hath Pe Lane Ka Tha

Sapna Khawab Sajane Ka Tha

Khoon Jigar Ka De Kar Yaro

Apna Ishq Bachane Ka Tha

May Khane Main Kal Shab Tha Jo

Socha Tujhe Bhulane Ka Tha

Naama Mujh Ko Bhejne Wale

Mousam Tere Aane Ka Tha

Hijrat Kar K Jane Wale

Tujh Ko Main Apnane Ka Tha

Sada Hussain Sada

Read More