Main Bhi Aam Si Larki Hon ( Poetry of Rabia Basri n Designed by Guddo )

Main Bhi Aam Si Larki Hon

Tum Ne Mujhe Koi Sangi Mujasma Hi Samjha

K Jis Per Koi Baat, Koi Dukh

Koi Takleef Asar Nahi Karti

Mere Dosto!

Dhoop Ki Chubhan Mujhe Bhi Hoti Hai

Kisi Ka Sakht Lehja Mujhe Bhi Mehsoos Hota Hai

Baton K Teer Mujhe Bhi Lagte Hain

Kisi Mazboot Bazu Ka Hassaar Mujhe Bhi Chahiye

Aik Aitbar Mujhe Bhi Chahiye

Aik Ghar Aik Dareechey Ki Khawahish Mujhe Bhi Hai

Main Koi Sangi Mujasma Nahi Hon

Bohat Aam Si Larki Hon

Kash! Tum Ne Mujhe Kabi Khas Na Samjha Hota

Rabia Basri

Read More

Ajeeb Mousam-e-Dil Jaan K Paar Utra Hai ( Poetry of Nusrat Naseem n Designed by Passion Creations )

Ajeeb Mousam-e-Dil Jaan K Paar Utra Hai
Dhanak K Rang Main Saara Ghubar Utra Hai
Main Is Ka Shukar Karon Ya Karon Koi Shikwa
Khizan Ki Rut Main Jo Mousam-e-Bahar Utra Hai
Teri Khushi Isey Samjhon K Apni Mehroomi
Gham-e-Firaq Jo Be Ikhtiyar Utra Hai
Naya Nai Azm Naye Raston Pe Chal Niklen
Purani Rahon Se Jab Aitbar Utra Hai
Main Is Ko Kaise Sambhalon Ye Kaise Sambhale Ga
Jo Tere Baad Mere Dil Pe Baar Utra Hai
Nusrat Naseem

Read More

Haasil-e-Zindagi Justaju Hai ( Poetry of Aisha Baig Aashi n Designed by Passion Creations )

Haasil-e-Zindagi Justaju Hai

Haasil-e-Justaju Sirf Tu Hai

Roshni Urr Rahi Hai Junoon Ki

Roshni Ko Teri Aarzu Hai

Orrh Kar Chandni Teri Khushbu

Saans Ki Raat Main Chaar Soo Hai

Jald Aa Kar Badal Mousam Jaan

Dhoop Hai Habs Hai Zard Loo Hai

Chashm Basta Ho Aashi K Waa Ho

Aik Soorat Hi Bas RuBaru Hai

Aisha Baig Aashi

Read More

Lout Aao K Tum Bin Guzara Nahi ( Poetry of Sada Hussain Sada n Designed by Passion Creations )

Lout Aao K Tum Bin Guzara Nahi

Kon Si Shab Tumhain Yon Pukara Nahi

Tairgi Nochti Hai Shab-o-Roz Kyon

Kia Muqaddar Main Koi Sitara Nahi

In Ghamon Ka Mere Kuch Madawa Kare

Yaan Koi Dost Aisa Humara Nahi

Sada Hussain Sada

Read More

Wo Mujhe Mila Hota ( Poetry of Mehroo Ali n Designed by Shahid Ali Kiyani )

Aasman K Maalik Se

Do Jahan K Khaliq Se

Sirf Itna Chaha Hai

Sirf Itna Manga Hai

Roz-o-Shab Riyazat Ka

Pur Khaloos Chahat Ka

Be Panah Mohabbat Ka

Itna To Sila Hota

Wo Mujhe Mila Hota

Mehroo Ali

Read More

Ranjishen Hi Sahi Dil Hi Dukhane K Liye Aa ( Poetry of Ahmed Faraz n Designed by Fozi Creations )

Ranjishen Hi Sahi Dil Hi Dukhane K Liye Aa

Aa Phir Se Mujhe Chor K Jane K Liye Aa

Kis Kis Ko Bataen Gey Judai Ka Sabab Hum

Tu Mujh Se Khafa Hai To Zamane K Liye Aa

Ahmed Faraz

Read More

Ik Tera Sath Juft Hone Ko ( Poetry of Fakhra Gul n Designed by Passion Creations )

Taaq Raton Main Hum Ne Manga Hai

Ik Tera Sath Juft Hone Ko

Fakhra Gul

Read More

Sukhan Aarai Baki Reh Gai Hai ( Poetry of Noshi Gillani n Designed by Anamika )

Sukhan Aarai Baki Reh Gai Hai

Yehi Sachai Baki Reh Gai Hai

Sajana Chahte They Mehfil-e-Dil

Magar Tanhai Baki Reh Gai Hai

Mujhe Bhi Shoq-e-Manzil Tha Magar Ab

Shakista Pai Baki Reh Gai Hai

Gharoor-e-Zindagi Banne Ko Ab To

Meri Ruswai Baki Reh Gai Hai

Zameen K Sare Manzar Chup Gaye Hain

Magar Beenai Baki Reh Gai Hai

Noshi Gillani

Read More

Mere Khawab Mujh Se Kabi Baat Kar ( Poetry of Naheed Virk n Designed by Abu Hamza )

Mere Khawab Mujh Se Kabi Baat Kar

Mere Taalu Se Chipke Huey Saare Wo Lafz Parh Jo

Kabi Tujh Se Main Keh Na Pai

Mere Khawab Tu Meri Takmeel Kar

Koi Jugnu, Mohabbat, Dua Ban Kar Tabeer Main Dhal

Kisi Lams Ka Koi Marham Meri Rooh K Ghao Per Rakh

Nahi To

Shab-o-Roz Ka Khokhla Silsila Khatam Kar

Jahan Phaili Tanhai Ki Aag Main

Rooh Ko Yon Na Jalna Pare

Dukh Ki Lehron K Phaile Huey Jaal Main

Paon Apna Na Dharna Pare

Naheed Virk

Read More

Bana K Faqeeron Ka Hum Bhais Ghalib ( Poetry of Mirza Ghalib n Designed by Falak Creations )

Bana K Faqeeron Ka Hum Bhais Ghalib

Tamasha-e-Ehl-e-Karam Dekhte Hain

Mirza Asad Ullah Khan Ghalib

Read More

Main Ne Tum Se Tumhain Manga ( Designed by Guddo )

Shikwa

Main Ne Tum Se Tumhain Manga

To Tum Muskura Diye

Tum Ye Bhi To Keh Sakte They

K...

Apni Cheezain Manga Nahi Karte

Read More

Zamana Roye Ga Barson Humain Bhi Yaad Kar K ( Designed by Creative Art )

Zamana Roye Ga Barson Humain Bhi Yaad Kar K

Ginen Gey Sab Humari Khoobiyan Jab Hum Na Hon Gey

Read More

Qasam Tum Ko Mere Sir Ki Mere Pehlu Se Na Sarko ( Designed by Shakeel Khan )

Qasam Tum Ko Mere Sir Ki Mere Pehlu Se Na Sarko

Agar Sarko To Yon Sarko Qalam Kar K Mere Sir Ko

Read More

Mohabbaton Main Humen Wo Misaal Hona Hai ( Poetry of Wasi Shah n Designed by Creative Sign )

Milen Gi Hum Ko Bhi Apne Naseeb Ki Khushiyan

Bas Intezar Hai Kab Ye Kamaal Hona Hai

Her Aik Shakhs Chale Ga Humari Rahon Per

Mohabbaton Main Humen Wo Misaal Hona Hai

Wasi Shah

Read More

Kuch Kaghaz Gungey Lafzon K ( Poetry of Athar Hamdani n Designed by Sunny Shah )

Amaanat

Kuch Kaghaz Gungey Lafzon K

Kuch Rang Barangi Si Yaden

Kuch Sookhey Phool Gulabon K

Kuch Khawab Adhoori Raton K

Un Khawabon Ki Kuch Tabeeren

Kuch Gungi Behri Tasweeren

Mere Pas Amaanat Hain Teri

Jab Chaho Aa Kar Le Jana!!!

Athar Hamdani

Read More